I. MGA PANGUNAHING IMPORMASYON TUNGKOL SA BARANGAY

I.A. Anyong pampisikal, pangkapaligiran at pangkalupaan ng Barangay Geographical Classification)

I.A.1. Lokasyon at Hangganan

I.A.1.a Lawak ng Lupa (Land Area)

Ang Barangay Calantas ay may kabuuang lawak ng lupa na 1,526.77 ektarya batay sa GIS mapping, at 1,514.07 ektarya batay sa Municipal Assessor's Impact Report 2024. Ito ay katumbas ng 6.74% ng kabuuang lawak ng lupa ng buong munisipalidad ng Rosario, Batangas, na inilalagay ito sa ika-2 puwesto sa ranggo ng sukat ng barangay sa munisipyo batay sa GIS land area. Ang lawak ng lupa ng barangay ay nagsisilbing batayan para sa pagplano ng pang-ekonomiyang aktibidad, paggamit ng lupa, at paghahanda laban sa mga panganib na kaugnay ng kalikasan.

I.A.1.b Populasyon (Population)

Batay sa 2015 Census of Population and Housing, ang Barangay Calantas ay may populasyong 1,634 na nagbago sa 1,722 batay sa 2020 Census of Population and Housing. Ayon sa proyeksiyon, ang populasyon ng barangay sa 2024 ay maaaring umabot sa 1,865 (moderate growth rate) o 2,559 (high growth rate). Sa ranggo ng populasyon, ang Barangay Calantas ay ika-36 noong 2020, ngunit inaasahang magiging ika-34 puwesto batay sa mataas na proyeksiyon ng populasyon sa 2024. Ang pagbabago ng populasyon ay nangangailangan ng mas masusing plano para sa mga serbisyong pangkalusugan, edukasyon, at seguridad.

I.A.1.c Heograpikong Yunit ng Administrasyon (Geographic Administrative Unit - GAU)

Ang Barangay Calantas ay bahagi ng SOUTHEAST DISTRICT ng Rosario at kabilang sa Southeast Cluster 1 ng mga barangay. Ito ay nasa saklaw ng Catchment Area II ng Rural Health Unit (RHU), na siyang nagbibigay ng serbisyong pangkalusugan sa mga residente nito. Ang pagkakabilang sa mga yunit na ito ay mahalaga upang masigurong napapaloob ang barangay sa mga programang pangkalusugan, edukasyon, at iba pang serbisyo mula sa lokal na pamahalaan.

I.A.1.d Land Use Plan Development Cluster

Ang Barangay Calantas ay kabilang sa Biodiversity Conservation and Agri-tourism Cluster 4. Itinataguyod ng cluster na ito ang pangangalaga sa likas na yaman at ang pagbuo ng mga oportunidad sa agri-tourism, na may layuning gawing modelo ng sustainable development ang Land Use Plan Development Cluster 4. bilang bahagi ng pangkalahatang plano sa kaunlaran ng munisipyo.

I.A.1.e Tax Map Land Classification ng Barangay

Ayon sa 2024 Impact Report ng Municipal Assessor ng Rosario, Batangas, ang Barangay Calantas ay may kabuuang lawak ng lupa na 1,514.07 ektarya batay sa Tax Map Land Classification. Ang detalyadong pagkakabahagi ng lupa ay inilalarawan sa mga sumusunod na kategorya:

Taxable Land Area: 1,409.04

·      Residential:   4.59 ektarya

·      Agricultural:1,404.44 ektarya

·      Commercial:   0.01 ektarya

·      Industrial:   0.00 ektarya

·      Hospital:   0.00 ektarya

·      Iba pa:   0.00 ektarya

Ang malaking bahagi ng lupa sa Barangay Calantas ay classified bilang Agricultural Land, na nagpapakita ng mahalagang papel ng barangay sa agrikultura ng munisipyo.

Non-Taxable Land Area: 105.03

·      Government:  64.53 ektarya

·      Educational:   0.05 ektarya

·      Religious:   0.00 ektarya

·      Iba pa:  40.45 ektarya

Ang Non-Taxable Land Area ay may kabuuang 105.03 ektarya, kung saan ang lupa para sa pamahalaan, edukasyon, at relihiyon ay nagbibigay ng suporta sa mga pangunahing serbisyo ng barangay. Ang   40.45 ektarya na nakalagay sa "Iba pa" ay maaaring sumasalamin sa mga espasyo tulad ng pampublikong parke o open spaces na hindi kabilang sa buwis.

I.A.1.d.f. Philippine Standard Geographic Code (PSGC)

Ang Philippine Standard Geographic Code (PSGC) ay isang opisyal na sistema ng kodigo na ginagamit ng pamahalaan ng Pilipinas upang tukuyin at isaayos ang lahat ng rehiyon, lalawigan, lungsod, munisipalidad, at barangay sa buong bansa. Ito ay binuo ng Philippine Statistics Authority (PSA) at nagsisilbing batayan sa pagsasagawa ng mga opisyal na estadistika, pag-uulat, at pagpaplano ng mga programa at proyekto ng pamahalaan.

Ang PSGC ay mahalaga dahil ito ang nagbibigay ng natatanging pagkakakilanlan sa bawat yunit ng lokal na pamahalaan, kabilang ang mga barangay tulad ng Barangay Calantas, na may PSGC code na 401021009. Sa tulong ng PSGC, nagiging sistematiko ang pangongolekta ng datos, tulad ng populasyon, lawak ng lupa, at iba pang mahahalagang impormasyon, na nagagamit sa pagpaplano ng mga hakbangin para sa kaunlaran at kaligtasan ng komunidad.

Ginagamit din ang PSGC sa mga disaster risk reduction and management efforts upang matukoy ang mga lugar na apektado ng sakuna at agarang maipamahagi ang tulong at suporta mula sa mga ahensya ng pamahalaan.

I.A.1.g. Distansya Mula sa Kabayanan

Ang radial distance mula sa Poblacion ay ang tuwid na distansya (straight line distance) na sinusukat mula sa West District Urban Growth Point (UGP) hanggang sa centroid ng barangay. Batay sa sukatang ito, and limang urban barangay ng Poblacion ay itinuturing na may zero distansya mula sa kabayanan. And distansya ng Barangay Calantas sa mula sa kabayanan ay   16.3 kilometro sa direksyong southeast.

I.A.1.g.(1) Point of Origin:

Ayon sa Comprehensive Land Use Plan (CLUP) 2016-2030 ng Bayan ng Rosario, Batangas, ang bayan ay hinati sa dalawang development zones batay sa pisikal at sosyo-ekonomikong katangian. Ang estratehiya ng pag-unlad ng mga pamayanan ay tinatawag na Dispersed Concentration, kung saan ang mga barangay ay naka-cluster batay sa subwatershed divide na tinatawag na municipal districts.

Ang West District Urban Growth Point (UGP) ay ang punto ng pinagmulan na ginagamit sa pagsukat ng radial distance. Matatagpuan ito sa interseksyon ng Gualberto Avenue at J. Belen Street sa Barangay Poblacion B, malapit sa Catholic Church, na kilala sa kampanaryo (belfry) nitong nakikita mula sa malalayong barangay.

I.A.1.g.(2) Centroid ng Barangay:

Ang centroid ay ang gitnang punto ng barangay, na tinutukoy gamit ang geographical mapping tools. Dito sinusukat ang distansya mula sa UGP patungo sa gitnang bahagi ng barangay.

I.A.1.g.(3) Radial Distance:

Ang radial distance ay ang tuwid na linya (hindi kalsada) mula sa West District Urban Growth Point sa Barangay Poblacion B hanggang sa centroid ng barangay. Ginagamit ang sukat na ito upang tukuyin ang lokasyon ng isang barangay kaugnay ng urban center at bilang bahagi ng pagpaplano ng mga programa at serbisyong pangkaunlaran.

Ang sistemang ito ay nakakatulong sa mas maayos na distribusyon ng serbisyo, alokasyon ng pondo, at pagpaplano ng disaster risk reduction and management (DRRM) efforts para sa bawat barangay..

I.A.1.h. Mga Hangganan

Nasa Silangang (East) bahagi nito ang Barangay Matamis (may bahaging makatawid ng Taywanak Rover), sa Kanlurang (West) bahagi naman ang Barangay Tulos (makatawid ng Coriliw Creek), sa Hilagang (North) bahagi ang Barangay Nasi, Mabunga at Leviste at sa Timog (South) naman ang Barangay Antipolo (may bahaging makatawid ng Taywanak River).